  |
  
|
十一月二十五日我終於踏足了香港的夢幻樂園 - 廸士尼。為吸引香港市民入場，由現在至12月8日，所有持有香港身份証的市民可享有入場費減免$50之優惠，可視作車費津貼。當天早上十點在香港站出發，大約坐了半小時車程便到達欣澳站，然後轉廸士尼線。踏入廸士尼車箱，因人比較多，也沒有細心欣賞車廂設計，只是四周 了一眼，很多人也拿著相機四圍拍照，人頭擁擁，雖然當天不是假期，但也比想像中多人。車廂內放了不同卡通人物的擺設，扶手的設計也是以米老鼠的頭形。坐了約五分鐘便到達廸士尼，那一刻好像回到小學學校旅行的心情，十分興奮，一到大門便不斷拍照、拍照。
未正式入場前已先體會了到廸士尼要排隊的文化，遠遠看見買入場券的櫃台已轉了很多很多個”蛇餅”，嘩...就在這裡先排了45分鐘才能進埸。大概11點多正式入埸後，先踏進倣效美國的小鎮大街，看看四周的建築物十分迫真，也有幾分丁身在外國的感覺，而各位卡通人物如唐老鴨、Goofy、米奇及米妮等已站在不同的角落與遊人們拍照，不用多說，又是排隊時間，為免浪費太多時間，我只挑了Goofy與合照，在這裡又差不多排了30分鐘。
待續...
|
我是在大專時代愛上hocc，一次舉行歌唱比賽，hocc做表演嘉賓，因為係有隊伍以unplugged比賽，所以佢索性借左人地枝結他黎表演，我記得佢係唱千千萬萬個我，如果你係fans既話，應該記得副歌係會變rock版，一枝結他又可來rock呢？仲要係木結他喎...雖然係咁，佢梗係唔可以彈返原本版本，轉左另一個版本，但係效果好聽到爆，更加突出佢把聲... 你話，你睇完阿梅既演唱會，就立志做女歌手，而我亦因為你果似演出，我去學結他，雖然而家仲未學成，但勉強都可以自彈自唱，我亦都好希望可以簡單到用木結他唱歌都可以攝住人個心... 其實黎睇你之前，我去左一個朋友媽媽既葬禮，雖然這是我第一次見伯母、亦係最後一次，我諗我唔會忘記佢既安詳同平和、以及無奈、婉惜既感覺，心悝酸酸的...第二晚，便看你，你唱到絶對時，有好強烈對比既感覺，突然令我好掛住我媽咪，亦都好感受到，佢地對你既支持係無白費，因為佢地非常自豪可以有你... 黎睇你之前，聽到好多傳言，話d飛賣唔哂呀、送飛呀，我同walter都好擔心...會唔會唔好睇呢？後尾見到個台，咁細既？原來我擔心係多餘，如果你要我俾分，我會俾80分，但係10分滿分喎！雖然只係開三場，但係黎睇親既，都係「勁愛你」，所以，唱到如無意外時，你開頭都已經唱唔到，全場所有fans一齊唱，我都估唔到，真係大部分人都識唱，我唱左一句都頂唔順，原來真係好多人愛你... 我都好愛你 縱是無緣被寵愛 但也不想惹塵埃 誰若有心收養 我都不錯 |
|
